PICHANI HAWAMIAJI HARAMU WAKIWA KATIKA BRIEFCASE KAMA NGUO.

Maafisa wa polisi wamewakamata raia wawili wa Morocco ambao walijaribu kuwaingiza wahamiaji katika eneo linalotawaliwa na Uhispania lililo kazkazini mwa Afrika la Cueta- wawili hao wakiwa wamejificha ndani ya gari na mwengine katika sanduku waliojaribu kuingia nchini Hispania.

Wakati maafisa wa polisi walipokagua gari moja siku ya Jumatatu ,mtu mmoja alipatikana amefichwa katika eneo la mbele la gari na mwengine amefichwa katika eneo la kiti cha nyuma cha gari.
Mwanamume huyo na mwanamke ,wanaodaiwa kuwa raia wa Guinea ,walipata huduma ya kwanza kwa kuwa walikuwa na hewa kidogo ya kupumua.Mtu mwengine alipatikana amefichwa katika eneo la gari la mbele maarufu dashboard

Kwengineko kijana mmoja wa asili ya Kiafrika alipatikana amefichwa katika sanduku la mwanamke.
Kisa hicho kilitokea mnamo mwezi Disemba 30 na mtu huyo anayeaminika kutoka Gabon alihitaji matibabu ya dharura.
Mwanamke mwenye umri wa miaka 22 kutoka Morocco alijaribu kumuingiza Cueta, lakini maafisa wa uhamiaji walimuagiza kufungua sanduku lake ambalo lilikuwa limefungwa katika kitoroli.
Kisa hicho kinajari wakati ambapo kumekuwa na jaribio la wahamiaji wengi kuvunja ua wa mita sita unaogawanya Cueta na Morocco.Mwengine alipatikana amefichwa chini ya kiti hiki kilichotengezwa ili kumtosha
Raia 50 wa Morocco na 5 wa Uhispania walijeruhiwa wakati wahamiaji 1,100 walipojaribu kupita ua huo na kuingia Cueta kutoka Morocco.
Hakuna aliyefanikiwa kupita ,lakini watu wawili walijeruhiwa walipokuwa wakivunja ua huo na kupelekwa hospitalini huko Ceuta.
Mlinzi mmoja alipoteza jicho lake kulingana na maafisa.
Kisa kama hicho mnamo tarehe 9 Disemba kilihusisha zaidi ya wahamiaji 400 kutoka Afrika.

Bao la Giroud dhidi ya Crystal Palace.

Bao la Olivier Giroud la 'scorpion ama nge' katika ushindi wa Arsenal wa 2-0 dhidi ya Crystal Palace ni miongoni mwa mabao matano muhimu katika uongozi wa Arsene Wenger.

Mabao ya Thiery Henry na Dennis Bergkamp ni miongoni mwa mbao aliyofurahia lakini akasema hili litakuwa 'bao la Giroud'.

Aliongezea: Si bao la kawaida lakini Giroud's alitoa kitu maalum.
Giroud amesema kuwa bao hilo alilifunga kwa bahati.
Uvamizi wa Arsenal katika ngome ya Crystal Palace ulimfanya Giroud kufunga bao hilo maridadi kutoka kwa krosi iliopigwa na Alexi Sanchez.

Guardiola amezifundisha klabu za Barcelona na Bayern Munich kwa mafanikio makubwa.

Meneja wa Manchester City Pep Guardiola anakaribia kustaafu kufundisha soka na hataitakuwa miaka 65 kama alivyodhani awali.

Muispania huyo amewahi kuifundisha klabu ya Barcelona ka mafanikio makubwa kisha Bayern Munich kabla ya kuchukua nafasi ya Manuel Pellegrini Man city.
''Nitakuwa hapa Manchester kwa misimu ama mitatu labda na zaidi,'' Guardiola mwenye miaka 45 alisema kabla ya ushindi wa magoli 2-1 dhidi ya Burnley.

''Sitakaa kwenye benchi mpaka miaka 60-65.Nafikiri mchakato wa kuanza kusema kwaheri umekaribia.
Guardiola ameshinda vikombe 14 katika miaka minne akiwa na Barcelona, ikiwa ni pamoja na vikombe vitatu vya La Liga na viwili vya ligi ya mabingwa Ulaya.
Alipumzika mwaka mzima kabla ya kujiunga na Bayern Munich na kuwaongoza kupata vikombe vitatu vya ligi kuu licha ya kukosa ligi ya mabingwa Ulaya
Kikosi cha Guardiola kilicheza pungufu baada ya Fernandinho kupewa kadi nyekundu lakini magoli ya Gael Clichy na Sergio Aguero yaliwapa ushindi.

Donald Trump asema kwamba Korea Kaskazini haitafanikiwa katika mpango wake wa kuunda kombora la masafa marefy litakalofika Marekani.

Rais mteule wa Marekani, Donald Trump, amepuuzilia mbali madai ya Korea Kaskazini kuwa imeunda Kombora linaloweza kuwasilisha zana za nuklia hadi Marekani.

Katika mawasiliano kupitia mtandao wa Twitter, Bwana Trump aligusia majigambo ya kiongozi wa Korea Kaskazini, Kim Jong Un, katika ujumbe wake wa mwaka mpya ambapo alisema kuwa maandalizi ya kombora la aina hiyo yamefikia hatua ya mwisho.

Bwana Trump alisema katika ujumbe wake kuwa "Haitawezekana." Tamko lake la haiwezekani, halikueleweka vizuri kwa sababu wachanganuzi hawajui iwapo alimaanisha kuwa Korea Kaskazini haina uwezo huo au alikuwa akiandaa hatua ya kujikinga.

 Ujumbe wa Twitter wa bwana Trump.

 Bwana Trump pia alishutumu Uchina kwa kushindwa kuthibiti mshirika wake Korea Kaskazini na pia akalaumu Beijing kwa kupokea pesa kiasi kikubwa cha pesa na mali kutoka Marekani

BBC

. Jaji Fransis Mutungi Msajili wa Vyama vya Siasa Nchini.

Msajili wa vyama vya siasa jaji Fransis MUTUNGI amevitaka vyama vyote vya siasa vinavyoshiriki chaguzi ndogo za marudio zinazoendelea sehemu mbalimbali  hapa nchini kufanya kampeni za kistaarabu huku wakijikita kwenye kunadi Sera zao na kuwasisitiza waendelee kuliunganisha taifa na sio kushambuliana baina ya vyama wala vyama na serikali.

Jaji Mutungi ameyasema hayo Leo wakati akitoa salamu maalum za mwaka mpya kwa vyama vya siasa na watanzania wote.

"Unajua siasa na wana siasa lazima wakomae sasa,  siasa za kizamani zilikuwa hazinogi kama hakuna kurushiana vijembe, kejeri na Matusi.  Sasa hivi mambo hayo yameshapitwa na wakati na wanasiasa hasa wanaowanadi wagombea wao wahakikishe wanatumia Muda mwingi Zaidi kunadi sera zao kuliko kushambuliana". Alisema Mutungi  

''...unajua siasa.......siasa za chuki zinazogubikwa nakurushiana vijembe....zimeptwa na wakati....''liongeza Jaji Mutungi 

 

JAMVI LA HABARI lilipotaka kujua ni nini ofisi yake inawaahidi watanzania na wafuatiliaji wa siasa kwa mwaka huu mpya 2017 tuliouanza juzi, Jaji Mutungi ameahidi kuendelea kutoa huduma Sawa kwa vyama vyote vya siasa hapa nchini kwa kuwa ofisi yake ina wajibu wa kuvilea vyama hivyo na Demokrasia. ...

kadharika jaji mutungi ameahidi kuendelea kudumisha ukuaji wa demokrasia nje na ndani ya vyama na kuvikumbusha  vyama kujiendesha kama taasisi na kuhimiza vyama kufuata katiba zao na si matakwa ya Viongozi pasipo kuzingatia matakwa ya katiba zao.

 

nakala ya Calender ya mtandaoni iliyotolewa na msajili wa vyama vya siasa

Picha ya Maktaba inamuonyesha Mbunge wa Bukoba Mjini Wilfred Rwakatare CHADEMA akiwa katika viwanja vya bunge akiteta jambo na waziri mkuu Kassim Majaliwa.

katika ukurasa wake wa Facebook ameandika hivi:. 
 

Mimi sina tatizo na Mh Rais Magufuli, anaendesha nchi vizuri.Kilio cha siku nyingi chetu sisi wapinzani ni kumpata Rais anayepinga rushwa na ufisadi kimesikika. Magufuli anaifanya kazi hiyo vizuri .Tumuungeni mkono. Mapungufu yaliyopo yasitufanye vipofu kuona mazuri yake.

Huwa sijibizani na ujinga mitandaoni na hasa kulishwa maneno. Nina uzoefu wa kesi ya kwanza ya ugaidi nchi hii na kilichofanyika kupitia mitandao. Wanaoweka maneno mitandaoni  wanashindwa nini kuweka clip ya video ikionyesha hotuba yangu ya dk 5 niliyoyaongea kwenye Mkutano Bukoba?
Mimi ni nyani mzee,nimeshakwepa mishale mingi. Huo haunipati n'go

3.1.2017.
WILFRED LWAKATARE MBUNGE WA BUKOBA MJINI (CHADEMA)