VIJIJI 126 VYAPATIA MRADI WA UMEME MKOANI SHINYANGA

NA K-VIS BLOG/Khalfan Said, Singida.

WANAKIJIJI wa vijiji 126 wanaopitiwa na mradi mkubwa wa umeme, Backbone wa ujenzi wa njia ya kusafirisha umeme wa msongo wa Kilovolti 400, kutoka mkoani Iringa hadi Shinyanga kupitia mikoa ya Singida na Dodoma, wataunganishiwa umeme kwa kulipia kiasi kidogo cha fedha shilingi elfu 27,000/-, tu, Kaimu Meneja Uhusiano wa TANESCO, Bi.Leila Muhaji, (pichani juu) amesema.

Bi Leila ameyasema hayo kwenye kijiji cha Igurubya, mkoani Shinyanga, wakati wa ziara ya wahariri wa vyombo vya habari kutembelea mradi huo, Desemba 22, 2016.

“Nia ya Serikali, kupitia Shirika lake la Umeme nchini TANESCO, ni kuwapatia wananchi wote huduma ya umeme, ambayo ni muhimu katika kuinua uchumi wa mwananchi mmoja mmoja na taifa kwa ujumla, kwa kawaida gharama ya kuunganishiwa umeme kwa vijijini ni shilingi 177,000/- pamoja na kodi ya ongezeko la thamani VAT.” Alisema.

Alisema, kwa kuzingatia hilo, kumekuwepo na juhudi mbalimbali za Shirika la Umeme, TANESCO, kufikisha huduma ya umeme vijijini chini ya mradi wa Wakala wa Usamabzaji Umeme Vijijini (REA), lakini kukamilika kwa mradi huu wa Backbone kutaongeza kasi ya kuwapatia wananchi huduma hii muhimu ya umeme na kwa bei nafuu.” Aliongeza.

 Alisema, Serikali kupitia TANESCO imepiga hatua kubwa ya kuwafikishia umeme wananchi ambapo tayari karibu asilimia 45 ya wananchi wa Tanzania wamepatiwa huduma ya umeme.

Akizungumzia kukamilika kwa mradi huo wa Backbone uliojikita katika kujenga minara na njia za kusafirisha umeme pamona na upanuzi wa vituo vine vya kupoza na kusambaza umeme, Meneja wa Mradi huo anayesimamia usafirishaji umeme, Mhandisi Oscar Kanyama, alisema, mradi huo wa Backbone wa kusafirisha umeme wa msongo wa Kilovolti 400, na urefu wa Kilomita 670, kutoka mkoani Iringa hadi Shinyanga kupitia mikoa ya Singida na Dodoma, umekamilika rasmi Desemba 22, 2016 kwa kuwasha kipande kilichokuwa hakijakamilika cha kutoka Dodoma kwenda Singida.

Mradi huo ulianza kutekelezwa mwishoni mwa mwezi Novemba mwaka 2013 na unafadhiliwa na serikali ya Jamhuri ya Muungano wa Tanzania ambapo umegharimu karibu shilingi Trilioni 1.

Kazi iliyokuwa ikifanywa ni pamoja na ujenzi wa minara mikubwa yenye uwezo wa kubeba nyaya 6, tatu kila upande tofauti na ile ya awali iliyokuwa na uwezo wa kubeba nyaya 2 tu moja kila upande. “Lakini pia kazi nyingine iliyokuwa ikifanyika chini ya mradi huu, ni upanuzi wa vituo vinne vya kupoza na kusambaza umeme, vituo hivyo ni kile cha Iringa, Zuzu, mkoani Dodoma, Kibaoni mkoani Singida, na Ibadakuli mkoani Shinyanga Shinyanga.” Alifafanua

Na.Alex Mathias,Dar es salaam

Baada ya kuona makapuni ya Maegesho ya magari yanaendelea kukeuka masharti na taratibu za nchi hatimaye Leo Mstahiki Meya wa Halmashauri ya Jiji la Dar es Salaam, Isaya Mwita,ameamua kutolea ufafanuzi pamoja na kutoa tahadhari kwa makampuni ambayo yamepewa mikataba hiyo.

Akizungumza na Waandishi wa habari amesema kuwa ameamua kutoa ufafanuzi juu ya wafanya biashara hao ambao wamekuwa wakikeuka taratibu na kuanza kutoa tozo kubwa ya ushuru kwa watu ambao wamekuwa wakiegesha magari na kupandishiwa kodi kwa dakika chache pamoja na kukamata magari hayo na kuyafunga kamba/

“Ni kweli nimesikia habari hizo na ndo maana nameona niongee nanyi wanahabari hivyo naonya mawakala hao wanaofanya kazi kinyume na utaratibu huo na sasa naangiza kuwa mtu atakaye park gari anatakiwa gari likae dakika 60 bila kusumbuliwa na kama wataendelea kukeuka tutawafutiya lesseni ya kufanya kazi”amesema Mwita

Hata hivyo amesema kuwa ifikapo Januari,2017 kwa Makampuni yote kuanza kutumia tiketi za kielektroniki na kama kuna mawakala au kampuni watashindwa kutumia hizo tiketi watavunjiwa mikataba na pia anawataka watu lazima wadai tiketi hizo.

Meya huyu kuanzia sasa anawataka mawakala kuanza kuwatoza watu ushuru kuwaacha wateja wao wapark dakika 60 ndipo wapewe Listi ya kuegesha magari huku wakitumia tiketi za Kielektroniki na mtu asipopewa listi hizo au kupandishiwa kodi wanatakiwa watoe taarifa kwa jiji la Dar es salaam.

Anamalizia kwa kusema kuwa anawatakia Krismas njema na kutoa onyo kwa watu ambao watafanya vurugu watachukuliwa hatua kali na utakuwepo ulinzi wa kutosha

Shirika la Ndege la Etihad laingia makubaliano ya Kihistoria na 'Precision Air'

KATIKA hatua za kuhakikisha inayafikia maeneo mengi Afrika Mashariki, Shirika la Etihad la Umoja wa Falme za nchi za Kiarabu limeingia makubaliano na Shirika la ndege la hapa nchini Precision Air ambayo yamelenga kupanua huduma zaidi ndani na nje ya Tanzania.

Makubaliano hayo yanatoa fursa kwa, Shirika la Ndege la ‘Precision Air’ ambalo linaongoza kwa utoaji huduma hapa nchini kuweza kutoa huduma za moja kwa moja katika nchi za Umoja wa Falme za Kiarabu na zaidi.

Kupitia makubaliano hayo, Shirika la Ndege la Etihad litaweka alama yake ya kibali EY kwenye ndege za ‘Precision Air’ zinatoa huduma kati ya Dar es Salaam, Kilimanjaro, Mwanza, Mtwara, Nairobi, Zanzibar na Pemba, Vilevile kwenye ndege zinazotoa huduma kati ya Nairobi, Kilimanjaro na Zanzibar.

Aidha, Precision Air pia itaweka alama yake ya PW kwenye Ndege za Etihad zinazotoa huduma zake za kila siku kati ya Dar es Salaam na Abu Dhabi ikiwa ni hatua ya kuhimarisha uhusiano kati ya Afrika Mashariki na Falme za Kiarabu.

Kwa mujibu wa Ofisa Mkuu wa Mipango na Mikakati wa Shirika la ndege la Etihad, Kevin Knight, ‘Precision Air’ ni shirika lenye ubunifu wa hali ya juu ambalo limeweza kuibuka na tuzo mbalimbali katika utoaji wa huduma bora za anga.

Makubaliano yetu leo yanadhihirisha kuwa ndoto ya Shirika la Ndege la Etihad ya kuhimarisha huduma katika Ukanda wa Afrika Mashariki inazidi kukua.

“Huu ni mfano mzuri zaidi katika kuifikia mipango mikakati yetu ya kufanya kazi na wadau ili kutimiza dhamira yetu na kutoa huduma bora za kibiashara na usafiri wenye raha kwa chaguo bora zaidi,” aliongeza Ofisa huyo.

Naye Sauda Rajabu ambaye ni Mkurugenzi Mtendaji na Ofisa Mkuu wa Precision Air Services PLC, alisema, “Hii ni hatua muhimu na mpya kwa Precision Air, na tunafurahi sana kufanya kazi na Shirika la Ndege la Etihad katika ushiriiano huu. Tunatazamia kuwakaribisha abiria wengi zaidi wa Shirika la ndege la Etihad kwenye ndege zetu na ni furaha yetu kuendelea kuzifikia fursa nyingi zaidi katika hatua ambayo itasaidia kuhimarisha uhusiano wetu kwa mipango ya muda mrefu.

“Kwa kupitia ushirikiano huu, tunawasaidia wateja wetu wa safari za ndani kujipatia fursa zaidi ya kwenda Abudhabi, na kusafiri maeneo zaidi ya 100 duniani kupitia mtandao mpana wa Shirika la ndege la Etihad ambao ni Afrika Mashariki ya Kati, Afrika, Ulaya, Asia, Australia na Marekani,”

Tangu jana abiria wameanza kukata tiketi za safari kutoka kwa mawakala au katika ofisi za mashirika haya kwa ajili ya safari za Januari 11, mwakani na kuendelea.

Shirika la Ndege la Etihad kwa sasa linatoa huduma katika nchi kumi barani Afrika 10 Afrika ikiwemo Johannesburg, Nairobi, Entebbe, Dar es Salaam, Khartoum, Casablanca, Rabat, Lagos, Cairo na Mahé, Seychelles

 Waziri wa Ardhi, Nyumba na Maendeleo ya Makazi Mhe. William Lukuvi akimkabidhi Hati ya Kumiliki Ardhi Bibi Ester Lukondo mkazi wa Bunda Mkoani Mara, ambaye ni miongoni mwa wakazi 154 waliopelekewa Hati hizo na Waziri wa Ardhi Wilayani Bunda badala ya wakazi hao kuzifuata Mkoani Mwanza.

Wananchi wa Musoma mjini wakikwasilisha Kero zao za migogoro ya ardhi kwa Waziri wa Ardhi, Nyumba na Maendeleo ya Makazi Mhe. William Lukuvi ili aweze kuzipatia ufumbuzi.

Wananchi wa Bunda wakikwasilisha Kero zao za migogoro ya ardhi kwa Waziri wa Ardhi, Nyumba na Maendeleo ya Makazi Mhe. William Lukuvi ili aweze kuzipatia ufumbuzi.

Waziri Lukuvi akikagua nyumba za gharama nafuu zilizojengwa na Shirika la Nyumba la Taifa (NHC) eneo la Buhare wilayani Musoma lenye jumla ya nyumba 50 zinazokaribia kukamilika.

Waziri Lukuvi akikagua nyumba za gharama nafuu zilizojengwa na Shirika la Nyumba la Taifa (NHC) eneo la Buhare wilayani Musoma lenye jumla ya nyumba 50 zinazokaribia kukamilika.

 Jengo la Biashara la Musoma Mjini lililojengwa na Shirika la Nyumba la Taifa (NHC) ambalo Waziri Lukuvi alifika kuangalia maendeleo yake.

 Jengo la Biashara la Musoma Mjini lililojengwa na Shirika la Nyumba la Taifa (NHC) ambalo Waziri Lukuvi alifika kuangalia maendeleo yake.

 Waziri wa Ardhi, Nyumba na Maendeleo ya Makazi Mhe. William Lukuvi akiwa ndani ya jengo hilo.

  Waziri wa Ardhi, Nyumba na Maendeleo ya Makazi Mhe. William Lukuvi akiwa ndani ya jengo hilo.

Na. Hassan Mabuye (Kitengo cha Mawasiliano - Wizara ya Ardhi)

Waziri wa Ardhi, Nyumba na Maendeleo ya Makazi Mhe. William Lukuvi akimkabidhi Hati 154 za Kumiliki Ardhi kwa wakazi wa wilaya ya Bunda Mkoani Mara wakati alipofanya ziara ya siku mbili ya utatuzi wa Migogoro ya Ardhi mkoani humo. 

Lukuvi alitoa hati hizo kwa wananchi wa Wilaya ya Bunda ili kuwarahisishia wakazi hao utaratibu wa kupata hati zao pale walipo badala ya kuzifuata Mkoani Mwanza katika ofisi za Kamishana Msaidizi wa Ardhi Kanda ya Ziwawa.

Aidha, Katika ziara hiyo Waziri Lukuvi ametatua migogoro ya Ardhi ya wananchi wa Musoma mjini na wananchi wa Bunda walio na kero za migogoro ya ardhi na kuzipatia ufumbuzi pamoja na kupokea vielelezo vya kero za wananchi zaidi 300 walizoziwasilisha kwa Waziri ili azitolee maamuzi.

Waziri Lukuvi alikagua nyumba za gharama nafuu zilizojengwa na Shirika la Nyumba la Taifa (NHC) eneo la Buhare wilayani Musoma lenye jumla ya nyumba 50 zinazokaribia kukamilika, ambapo alimtaka Meneja wa Mradi wa NHC mkoa wa Mara Frank Mambo kukamilisha mradi huo ndani ya miezi mitatu.

Waziri wa Ardhi, Nyumba na Maendeleo ya Makazi Mhe. William Lukuvi anaendelea na Ziara zake za utatuzi wa Migogoro ya Ardhi nchini, ambayo imejikita zaidi katika kutatua migogoro ya ardhi ya Mikoa ya kanda ya Magharibi, Kaskazini na ile ya Kanda ya Ziwa hapa nchini.

Aidha, Mhe. Lukuvi baada ya ziara hiyo anatarajiwa kuwasili mkoani Arusha ambapo pia atatua migogoro ya ardhi inayoukabili mkoa huo katika wilaya za Arumeru na Karatu.

Hadi sasa Mhe. Lukuvi ndani ya mwezi huu wa Desesmba ameishatatua migogoro ya ardhi ya Mkoa wa Kigoma na wilaya zake za Kigoma mjini, Kasulu na Kibondo na katika Mkoa wa Shinyanga na wilaya zake za Kishapu na Shinyanga mjini na katika mkoa wa Geita amefanya ziara katika wilayani Chato

 

 Mkuu wa Mkoa wa Njombe Mhe. Christopher ole Sendeka akisalimiana na Mganga Mkuu wa Halmashauri ya Mji Njombe Dkt Samwel Ndalio Thomas mara baada ya kuwasili Halmashauri hapo. Kulia kwake ni Mkuu wa Kitengo cha manunuzi na mweka hazina wa Halmashauri.

 Mhe. Ole sendeka akisalimiana na Karani wa Fedha “Cashier” wa Halmashauri Neema Kalundwa  

 Mkurugenzi wa Halmashauri ya Mji Njombe Illuminatha Mwenda akisoma taarifa ya utekelezaji wa shughuli mbalimbali za Halmashauri zilizofanyika.

Mhe. Ole sendeka akionesha nakala ya kitabu cha Ilani ya uchaguzi ambapo amewataka watumishi kuisoma na kila mmoja kuwajibika  kwenye eneo lake la utekelezaji  kutekeleza ilani ya uchaguzi ya chama Cha Mapinduzi.Kushoto kwake ni  Katibu Tawala Mkoa wa Njombe Jackson Saitabahu akifuatiwa na Mkuu wa Wilaya ya Njombe Mhe. Ruth Msafiri.

Hyasinta Kissima –Njombe 

Mkuu wa Mkoa wa Njombe Mhe. Christopher Ole Sendeka amekutana na kufanya mazungumzo na watumishi wa ofisi ya Mkurugenzi Halmashauri ya Mji Njombe ikiwa ni ziara yake ya kwanza ya kujitambulisha mara baada ya kuteuliwa kuwa Mkuu wa Mkoa huo. 

Akiwasilisha salamu za shukrani kwa mapokezi mazuri aliyopatiwa toka alipowasili Mkuu huyo wa Mkoa amesema kuwa, Mkoa wa Njombe ni miongoni mwa Mikoa ambayo alipendelea sana kufanya kazi kutokana na uwepo wa fursa nzuri za maendeleo, mandhari nzuri na hali nzuri ya hewa. 

”Nimefurahi sana kuwa katika Mkoa huu kwani kwa kipindi chote nilitamani sana kufanya kazi katika MKoa wa Njombe na nilitamani sana kama nafasi hii niliyoipata ningeipata kipindi nilipokua kijana lakini bado nafuraha kubwa kwani ndoto yangu ya kuitumikia na kuifanya Njombe ya maendeleo imeanza kutimia kupitia uteuzi wa Mhe. Rais na ninawahakikishia kuwapatia ushirikiano wa kutosha katika yale yote mtakayoona yanahitaji uwepo wangu.”alisema Mhe.Ole Sendeka. 

Awali akiwasilisha taarifa fupi ya utekelezaji wa shughuli mbalimbali za Halmashauri mbele ya Mkuu wa Mkoa Mkurugenzi wa Halmashauri Illuminatha Mwenda amesema kuwa, Halmashauri imejitahidi kufanya shughuli mbalimbali za maendeleo ikiwa ni pamoja na ujenzi wa zahanati katika kila kijiji, ujenzi wa nyumba za waalimu katika shule mbalimbali za sekondari, utoaji wa mikopo ya vijana na wanawake ambapo katika robo ya kwanza jumla ya Tsh. milioni 52 zilitolewa kutoka mapato ya ndani huku shughuli za ukusanyaji mapato mpaka kufikia sasa halmashauri imefikia asilimia 40% ya ukusanyaji wa mapato kupitia mashine za ukusanyaji mapato(POS) 97 zilizopo katika maeneo yote ya ukusanyaji ushuru wa Halmashauri. 

Mara baada ya kuipokea taarifa hiyo Mkuu huyo wa Mkoa amesema kuwa kwa sasa Chama Kilichopo Madarakani ni Chama Cha Mapinduzi chini ya Mhe. Rais Dkt. John Pombe Magufuli, na hivyo watumishi wote hawana budi kuhakikisha kuwa wanaipitia Ilani ya Chama Cha Mapinduzi na kuhakikisha kuwa kila mtu anasoma katika eneo lake na atambue kwamba ni kwa namna gani anahusika katika utekelezaji wa ilani hiyo. Ameendelea kusema hatakuwa na huruma kwa watendaji watakaoshindwa kukiri mapungufu na kukubali kusahihishwa katika kutekeleza majukumu yao ipasavyo na yeye hatakuwa na matatizo na mtumishi ambaye atatekeleza majukumu yake ipasavyo na amewaonya wanasiasa wanaochochea migogoro na kukwamisha shughuli za maendeleo kwani yeye hatakua na mswalia mtume kwa chama cha aina yeyote ile. 

“Mkurugenzi Mhe. Rais amekuamini na amekuteua kuisimamia Halmashauri hii hakikisha kuwa unasimamia watendaji wako wote mpaka wale watendaji wa ngazi za chini Kabisa kama watendaji wa Vijiji, usiwaonee huruma kwani ukiwaonea huruma wale wa juu hawatakuonea huruma wewe na mimi pia sitakuonea huruma. Lengo letu ni kuhakikisha kuwa Halmashauri za Mkoa wetu zinakuwa za mfano kwa kuwa na watendaji wenye weledi na wachapakazi kama kauli ya Mhe. Rais inavyosema Hapa kazi tu.”ameendelea kusema.

“Naipongeza Halmashauri kupitia taarifa yako Mkurugenzi kwa kuhakikisha kuwa kwa vipindi vyote Halmashauri ya Mji Njombe haijawahi kupata mlipuko wa ugonjwa wa kipindupindu na msibweteke kwa kulewa sifa hizo bali hakikisheni Mji unaendelea kuwa msafi. 

Mhe. Sendeka ameiagiza Halmashauri kuhakikisha kuwa inatenga maeneo ya upandaji miti kwa kadri halmashauri itakavyoshirikiana na wakala wa barabara (TANROAD ) na idara ya misitu na mazingira ili kuhakikisha kuwa wanapata aina nzuri ya miti itakayopandwa pembezoni mwa barabara za watembea kwa miguu, maeneo ya taasisi na kila mwananchi ahamasishwe kupanda mti nje ya eneo lake la makazi. 

Awali kabla ya kukutana na watumishi wa Halmashauri ya Mji Njombe Mkuu huyo wa Mkoa alipata nafasi ya kutembelea mradi wa maji uliopo Kambarage na Ujenzi wa standi mpya ya Mabasi mradi unaofadhiliwa na Benki ya Dunia na amemtaka Mwandisi wa Ujenzi kumfikishia taarifa mapema hii leo ya sababu zilizopelekea mkandarasi wa mradi huo kuongezewa muda wa umaliziaji wa awamu ya pili ya ujenzi wa stand hiyo kinyume na mkataba

Waziri wa Viwanda, Biashara na Uwekezaji Mhe. Charles Mwijage ameipongeza na kuishukuru Mamlaka ya Mapato Tanzania (TRA) kwa jitihada za kuendelea kuelimisha wafanyabiashara kutambua umuhimu wa kulipa kodi utakaoiwezesha Serikali kusonga mbele katika suala zima na ukuzaji wa viwanda vya ndani hapa nchini.

Waziri wa Viwanda, Biashara na Uwekezaji Mhe. Charles Mwijage ameipongeza na kuishukuru Mamlaka ya Mapato Tanzania (TRA) kwa jitihada za kuendelea kuelimisha wafanyabiashara kutambua umuhimu wa kulipa kodi utakaoiwezesha Serikali kusonga mbele katika suala zima na ukuzaji wa viwanda vya ndani hapa nchini.

Mhe. Mwijage aliyasema hayo wakati wa ufunguzi wa mkutano wa nne wa mwaka wa Taasisi isiyo ya kiserikali inayotoa Msimbomilia (Barcode) za bidhaa (GS1); uliofanyika tarehe 29 Novemba 2016 katika ukumbi wa mikutano wa Karimjee jijini Dar es Salaam. 

Mkutano huo uliandaliwa kwa ushirikiano kati ya GS1 na TRA kwa lengo la kujadili masuala mbalimbali yanayowahusu wadau wao, kujadili mambo muhimu ya kodi yanayohusu umuhimu wa Namba ya Utambulisho wa Mlipakodi (TIN) katika kuweza kupata msimbomilia (barcodes 620) na kuweza kuzitambulisha bidhaa za Tanzania kimataifa pamoja na kuadhimisha miaka mitano tangu kuanzishwa kwa taasisi hiyo.


Waziri wa Viwanda, Biashara na Uwekezaji Mhe. Charles Mwijage wa tatu kulia akikata keki kuadhimisha mwaka wa nne wa Taasisi isiyo ya kiserikali inayotoa Msimbomilia 620 (Barcode) za bidhaa (GS1) uliofanyika jijini Dar es salaam. Wa kwanza kushoto ni mwakilishi kutoka TRA ambaye ni Afisa Mkuu wa Elimu kwa Mlipakodi Bi. Rose Mahendeka na wa kwanza kulia ni Mwenyekiti wa bodi ya GS1 Bw. Gideon Mazara wakishuhudia tukio hilo.

Waziri Mwijage aliliagiza Shirika la Viwango Tanzania (TBS) kuhakikisha kila mfanyabiashara anayemiliki viwanda vidogo na vya kati kuhakikisha anakuwa na TIN na namba ya msimbomilia 620 inayotolewa na GS1 Tanzania kabla ya kuhuisha vyeti vyao vya biashara.
 
Aidha Waziri Mwijage amesema kuwa uchumi wa viwanda unatakiwa kukua nchini ili kuweza kuzalisha bidhaa bora zitakazouzwa ndani na nje ya nchi na kukusanya kodi stahiki

itakayoiwezesha Serikali kutoa huduma bora za kijamii kwa maendeleo ya wananchi wa Tanzania .“Ifike wakati wafanyabiashara muwaelewe vizuri TRA na kulipa kodi stahiki ya Serikali, ili nchi iweze kusonga mbele” alisema Mhe. Mwijage.

Waziri wa Viwanda, Biashara na Uwekezaji Mhe. Charles Mwijage (katikati) akielezea na kumpongeza Mkurugenzi Mkuu wa kampuni ya Shear Illusions Bi. Shekha Nasser (aliyeshika zawadi) kwa kulipa kodi stahiki ya Serikali ya kati ya Milioni 9 na 12 kila mwezi kupitia kampuni yake ambayo pia imeweza kutoa ajira kwa vijana zaidi ya12. Pongezi hizo alizitoa wakati wa ufunguzi wa mkutano wa mwaka wa nne wa Taasisi isiyo ya kiserikali inayotoa msimbomilia (Barcode) za bidhaa (GS1) uliofanyika jijini dar es salaam.
 
Kwa upande wake Afisa Mkuu wa Elimu kwa Mlipakodi kutoka TRA Bi. Rose Mahendeka alisema kuwa wafanyabiashara wote ambao wanahitaji kutumia mfumo wa kuuza bidhaa kwa kuweka msimbomilia (Barcode 620) wanapaswa kupitia TRA kwa ajili ya usajili na uhakiki wa Namba ya Utambulisho wa Mlipakodi (TIN) kabla ya kwenda kupata huduma ya msimbomilia 620.

Bi. Mahendeka aliwasisitiza wadau hao kuhakikisha wanajisajili na TIN na wale waliojisajili kuhakikisha wanahakiki taarifa zao ili kurahisisha upatikanaji wa Msimbomilia 620 na kuiwezesha TRA kupata takwimu sahihi za wafanyabiashara wazalishaji na wanaouza bidhaa zao nje ya nchi.



Baadhi ya wadau wa Taasisi isiyo ya kiserikali inayotoa Msimbomilia (Barcode 620) za bidhaa (GS1) wakimsikiliza kwa makini Afisa Mkuu wa Elimu kwa Mlipakodi kutoka Mamlaka ya Mapato Tanzania (TRA) Bi. Rose Mahendeka akitoa elimu ya kodi wakati wa mkutano wa nne wa mwaka wa Taasisi hiyo uliofanyika katika ukumbi wa mikutano wa Karimjee jijini Dar es Salaam.

“Wafanyabiashara wote ambao wanahitaji kutumia mfumo wa kuuza bidhaa kwa kuweka Msimbomilia(Barcode 620) wanapaswa kupitia TRA kwa ajili ya usajili na uhakiki wa Namba ya Utambulisho wa Mlipakodi(TIN) kabla ya kwenda kupata huduma” alisisitiza Bi. Mahendeka.

Aidha Bi. Mahendeka alisema kuwa wafanyabiashara ambao wanahitaji kuuza bidhaa zao kwa kutumia msimbomilia wanapaswa kulipa kodi bila ya kukwepa ili kuiwezesha Tanzania kupiga hatua kufikia uchumi wa viwanda na vilevile kuweza kutoa huduma bora kwa maendeleo ya jamii.

Naye Mwenyekiti wa bodi ya GS1 Bw. Gideon Mazara alitoa rai kwa wafanyabiashara wanaozalisha bidhaa kutumia Msimbomilia 620 wa Tanzania na kuweza kutangaza bidhaa za hapa nchini ili kupata soko la kimataifa litakalowezesha nchi kufikia uchumi wa kati .

Waziri wa Viwanda, Biashara na Uwekezaji Mhe. Charles Mwijage akiwa katika picha ya pamoja na baadi ya wadau wa Taasisi isiyo ya kiserikali inayotoa msimbomilia (Barcode 620) za bidhaa (GS1) mara baada ya kuhitimisha mkutano mkuu wanne wa Taasisi hiyo uliofanyika katika ukumbi wa mikutano wa Karimjee jijini Dar es Salaam.

Ongezeko la shughuli za kibindamu na viwanda kwa ujumla imesababisha kuongezeka kwa hewa ya ukaa na majanga yatokanayo na mabadiliko ya tabia nchi mfano mafuriko na joto kali ambalo husababisha magonjwa na athari kwa viumbe hai na binadamu kwa ujumla hasa katika miji mikubwa ikiwemo jiji la Dar es salaam. 

Katika kutekeleza na kuunga mkono kampeni ya utunzaji wa mazingira maarufu  kama “mti wangu” iliyozinduliwa na mkuu wa mkoa wa Dar es saalam , Mh Paul Makonda, kampuni ya simu za mkononi ya Airtel  kwa kushirikiana na wafanyakazi wake leo imeshiriki katika kupanda majani , miti na kuweka mbolea ili kutunza mazingira na kuyaweka katika hali ya kuvutia 

Bustani hiyo inayoanzia katika mataa ya Moroco hadi maeneo ya mgahawa wa Best Bite  katika barabara ya Ali Hassan Mwinyi ilikabidhiwa kwa kampuni ya Airtel na mh. Mkuu wa Mkoa kwa lengo la kuboresha na kutunza mazingira ya jiji la Dar es saalam  

Ikiwa ni sehemu ya utekelezaji wa kampeni hii, leo wafanyakazi wa Airtel kwa kushirikiana na serikali tunashirikia katika zoezi la kupanda majani na miti katika eneo la katikati ya barabara. Airtel tunaamini ili tuweze kufanya biashara tunahitaji mazingira bora na kwa kupitia kampeni hii ya mti wangu tunaunga mkono juhudi hizo kwa kuyatunza mazingira  yanayotuzunguka na kuyaweka katika hali ya usafi na kuvutia” alisema Airtel Afisa Mazinga wa Airtel ,Bwana Ncheye Mazoya  

Kwa upande wake Afisa Mazingira wa wilaya ya Kinondoni, Bwn Awadhi Kinajambo alisema “tunatoa shukurani kwa kampuni ya Airtel kwa kuunga mkono jitihada hizi za kutunza mazingira kupitia kampeni hii mahususi ya “Mti Wangu”. Tunaanmini juhudi hizi zitasaidia katika kuboresha hali hewa,kuondoa tishio la majanga yatokanayo na mabadiliko ya tabia nchi pamoja na kupendezsha jiji letu la Dar es salaam”. 

Natoa  wito kwa wakazi na wafanyabiashara wa maeneo haya kutokatiza kwenye bustani hii wala kutupa taka ili tuweze kuunga mkono kwa vitengo zoezi hili kuwa la mafanikio na kwa pamoja kutunza mazingara yetu. 



Afisa Mazingira wa Airtel, Ncheye Mazoya akimwagilia mti baada ya kuupanda, wakati wafanyakazi wa kampuni hiyo, waliposhiriki kupanda majani, miti na kuweka mbolea katika bustani iliyopo katika Barabara ya Ali Hassan Mwinyi kuanzia Moroco hadi Namanga jijini Dar es Salaam jana, kuunga mkono kampeni ya utunzaji mazingira maarufu kama “mti wangu”, iliyozinduliwa hivi karibuni na Mkuu wa Mkoa huo, Paul Makonda. Kushoto ni Afisa Mazingira wa Manispaa ya Kinondoni, Awadh Jambo. 



 Wafanyakazi wa Airtel wakishiriki kupanda miti katika bustani iliyopo katika Barabara ya Ali Hassan Mwinyi kuanzia Moroco hadi Namanga jijini Dar es Salaam jana, kuunga mkono kampeni ya utunzaji mazingira maarufu kama “mti wangu”, iliyozinduliwa hivi karibuni na Mkuu wa Mkoa huo, Paul Makonda.


 Wafanyakazi wa Airtel wakishiriki kupanda majani katika bustani iliyopo katika Barabara ya Ali Hassan Mwinyi kuanzia Moroco hadi Namanga jijini Dar es Salaam jana, kuunga mkono kampeni ya utunzaji mazingira maarufu kama “mti wangu”, iliyozinduliwa hivi karibuni na Mkuu wa Mkoa huo, Paul Makonda.


Wafanyakazi wa Airtel wakishiriki kupanda majani katika bustani iliyopo katika Barabara ya Ali Hassan Mwinyi kuanzia Moroco hadi Namanga jijini Dar es Salaam jana, kuunga mkono kampeni ya utunzaji mazingira maarufu kama “mti wangu”, iliyozinduliwa hivi karibuni na Mkuu wa Mkoa huo, Paul Makonda.

meneja  Utalii na masoko wa Tanapa Ibrahimu Musa katikati ni Mkurugenzi wa Tanapa Allen Kijazi  wa kwanza kushoto 

Habari  Picha na Woinde Shizza,Arusha

Aliyekuwa mkuu wa majeshi na mwenyekiti wa bodi ya tanapa jenerali msataafu geogre waitara anatarajiwa kuongoza  msafara wa zoezi la kupanda mlima kilimanjaro desemba 5 hadi kumi ikiwa ni sehemu ya maadhimisho ya miaka 55 ya  uhuru wa tanzania,

Aidha katika msafara huo wa kupanda mlima kilimanjaro watakuwepo pia wanajeshi kutoka jeshi la wananchi tanzania pamoja na wanahabari ambao watakuwa wanahabarisha jamii kuhusiana na tukio hilo.

Akizungumza na vyombo vya habari mkurugenzi mkuu wa tanapa allan kijazi alisema kuwa mwaka huu tanzania itaadhimisha miaka 55 ya uhuru na hivyo shrikia hilo imeshirikiana na kampuni ya utalii ya zara pamoja na bodi ya utalii (ttb) kuandaa zoezi la kupanda mlima kilimnajro ili kuweza kuhamasisha  watanzania kuvifahamu vifutio vya utalii.

Alisema kuwa zoezi hilo la upandaji mlima litahusissha baadhi ya viongozi mashuhuri  wa jeshi awastaafu akiwemo aliyekuwa mkuu wa majeshi ili kuhamasisha watanzania waweze kupanda mlima ambapo tukio hilo litajulikana kama Uhuru Epedition .

Kijazi alifafanua kuwa pamoja na kuadhimisha uhuru wa nchi ,lakini madhumuni mengine ya zoezi hilo ni kuhamasisha utalii na kuhimiza uhifadhi wa mazingira kwani bado watanzania wengi hawana muamko wa kutembelea vufutio vya utalii hivyo kujikuta asilimia kubwa ya watalii ni kutoka nje ya nchi.

"Katika maadhimisho haya tuna malengo ya kuhamasisha watanzania ili wajitokoze kupanda mlima kilimanajaro pamoja na kutembela hifadhi mbali mbaki kwani tunavyo vivutio 16 ambavyo vipo ndani ya tanzania na vinahitaji watanzania wote wanufaike navyo sio tu wageni kutoka nje ya nchi bali hata wa hapa wajue wanazo fursa "aliongeza kijazi.

Kwa upande wake mkurugenzi wa zara Zainabu Ansell alisema kuwa watanzania wanapaswa kujitokeza kwa wingi katika zoezi hilo la kihistoria kwani  wengi wao wamekuwa na mawazo potofu ya kufikiria wanaopaswa kupanda mlima na kutembelea hifadhi ni wazungu tu na wageni kutoka nje ya nchi hali inayowafanya watanzania kupoteza haki yao.

Kauli mbiu ya zoezi la kupanda mlima kilimanjaro mwaka huu ni endelea kuweka mazingira safi na salama ya fahari ya afrika.Mkurugenzi wa Kampuni ya  Zara Tours Zainabu Anselm  akiongea juu ya kampuni yake ambapo aliwataka wananchi wajitokeze kwa wingi kutembelea vivutio vilivyopo ndani ya nchi yetu na sio kuendelea kuviona kwa mbali tu na kuvisikia

Mkuu wa Mkoa wa Mbeya, Amos Makalla akiwa ameongozana na baadhi ya waendesha Bajaj wa eneo la Kabwe Jijini Mbeya, wakati alipofika kukutana nao ili kuwasikiliza, ambapo amesitisha kwa muda kuhamishwa kwa Waendesha Bajaj hao kituoni hapo mpaka hapo kituo kilichopendekezwa wao kwenda kifanyiwe marekebisho, pia ameagiza kuendelea kwa operesheni kwa Bajaji kufuata ruti na vituo walivyopangiwa ili kuepusha misongamano isiyo na lazima na kuhakikisha usafi unaendelea ili jiji la Mbeya liwe mfano wa kuigwa.Mkuu wa Mkoa wa Mbeya, Amos Makalla akizungumza na vijana hao wanaojishughulisha na Uendeshaji wa Bajaj za abiria, eneo la Kabwe, Jijini Mbeya.Baadhi ya madereva wa bajaji watumiao eneo la kabwe kuegesha bajaji zao wakizungumza na mkuu wa mkoa wa mbeya Amos Makalla (hayupo pichani). Na Mr.Pengo MMG-Mbeya.

Waziri wa Nchi Ofisi ya Makamu wa Rais- Muungano na Mazingira, Mh. January Makamba akiongea na Wahahariri wa Jukwaa la Wahariri (hawapo pichani) kuhusu ziara ya mazingira aliyoifanya katika mikoa mikumi Nchini Tanzania manamo mwezi wa Novemba. Aliyeko katikati ni Katibu Mkuu Ofisi ya Makamu wa Rais Bw. Mbarak Abdulwakil na kulia ni Kaimu Mkurugenzi wa Mazingira Ofisi ya Makamu wa Rais Richard Muyungi.Waziri wa Nchi Ofisi ya Makamu wa Rais- Muungano na Mazingira, Mh. January Makamba akionyesha kwa Wahariri wa vyombo vya habari, picha tofauti za maeneo mbalimbali aliyotembelea wakati wa ziara yake ya kutembelea Mikoa 10 Nchini kuangalia athari za mazingira.Sehemu ya Wahariri na Waaandishi wa Habari mbalimbali waliohudhuria mkutano wa Waziri wa Nchi Ofisi ya Makamu wa Rais- Muungano na Mazingira, Mh. January Makamba alipoongea nao Ofisini kwakae kuongelea ziara yake aliyoifanya kwa mikoa 10 Nchini.